Целосната комуникација со клиентите/должниците е структурирана, се води според однапред утврдени сценарија кои се составени во зависност од активноста на клиентот/должникот, природата на побарувањето, како и околностите на настанувањето на побарувањето, со примена на највисоките професионални и етички стандарди на комуникација. Во нашата работа никогаш не посегнуваме по процедури како што се прекумерни телефонски повици, барање клиенти/должници преку соседи или членови на семејството, како и слични деловни и општествено неприфатливи процедури.

Трошоците на судскиот процес, кога ќе настанат, паѓаат на товар на тужената страна, така што клиентот ќе оствари целосна исплата на побарувањето, намалено единствено за надоместокот за наплатената услуга. Нашата стратегија е, се разбира, секогаш кога е можно, да се избегне законска наплата со цел да се одржи добра деловна комуникација помеѓу конкретниот клиент и должникот, како и да се минимизираат трошоците на постапката.

Настојуваме да избегнеме попис, процена и пленидба на имот и сме горди на фактот што тие сочинуваат помалку од 1% од предметите кои ги работиме. Во случаите кога овој процес е неизбежен, настојуваме да ги минимализираме трошоците за должникот.

Со цел да се избегне комплексната „документација“, нашиот тим од професионалци дизајнираше интегрирано ИТ решение кое ги обезбедува сите потребни оперативни информации кои го следат процесот на наплата на побарувања во реално време. Ова решение е базирано на најсовремени технологии и ги исполнува сите валидни меѓународни и домашни стандарди. Со постојано надградување на софтверот, ние ефикасно ги имплементираме промените во деловното работење и ги следиме технолошките иновации, а со тоа успешно градиме конкурентна предност. Постапката е сведена на минимална употреба на „документација“, и тоа во форма на размена на сите формати на електронски документи кои се обработуваат во нашето софтверско решение.

Побарувањето не е товар – тоа е вашиот имот кој бара правилен третман и управување!